Presidenti i SHBA, Donald Trump, deklaroi gjatë një konference për shtyp të martën në mbrëmje se Shtetet e Bashkuara do të “marrin Rripin e Gazës”, duke e shkatërruar atë dhe më pas do të angazhohen për rindërtimin e zonës.
Ky koment erdhi pas një takimi me kryeministrin izraelit, Benjamin Netanyahu, në Shtëpinë e Bardhë.
“Ne do ta zotërojmë atë dhe do të jemi përgjegjës për çmontimin e të gjitha bombave të rrezikshme, të paeksploruara dhe armëve të tjera në vend.”
Kur u pyet për mundësinë që SHBA të marrë nën kontroll Rripin e Gazës, Trump tha se ai mund ta imagjinonte vendin në një “pozitë afatgjatë të pronësisë” të atij territori, një veprim që sipas tij mund të sjellë stabilitet në Lindjen e Mesme.
“Unë shoh që ajo sjell një stabilitet të madh në atë pjesë të Lindjes së Mesme dhe ndoshta në të gjithë Lindjen e Mesme”, tha Trump. “Dhe të gjithë me të cilët kam folur e pëlqejnë idenë që Shtetet e Bashkuara të zotërojnë atë pjesë toke. Zhvillimi dhe krijimi i mijëra vendeve të punës me diçka që do të jetë madhështore në një zonë vërtet madhështore që askush nuk do ta dinte. Askush nuk mund të shikojë sepse gjithçka që ata shohin janë vdekje, shkatërrim dhe rrënoja.” Netanyahu, i pyetur edhe për Rripin e Gazës, përsëriti për mediat se ai ka tre synime, një prej të cilave është ” të sigurohet që Gaza të mos përbëjë më kurrë kërcënim për Izraelin”.
“Presidenti Trump po e çon atë në një nivel shumë më të lartë,” tha udhëheqësi izraelit. “Ai sheh një të ardhme tjetër për atë copë toke që ka qenë fokusi i terrorizmit, sulmeve kundër nesh, gjyqeve dhe mundimeve. Ai ka një ide tjetër dhe mendoj se ia vlen t’i kushtohet vëmendje kësaj.”
