Një tjetër ngjarje e rëndë ka tronditur qytetin e Durrësit, pasi dy persona janë vrarë me armë zjarri mbrëmjen e sotme.
Mësohet se dy viktimat kanë qenë duke lëvizur më këmbë kur janë qëlluar nga disa persona që ndodheshin në një makinë.
Sipas informacioneve paraprake, dy viktimat janë Anxhelo Avdia dhe Dorian Shkoza, teksa ky i fundit mësohet se ka qenë i dënuar me 8 vite burg për trafik droge dhe është liruar në 2010.
Autorët i kanë ekzekutuar nga brenda makinës e më pas janë larguar, teksa identitetet e tyre nuk dihen ende.
Ngjarja ka ndodhur pranë tregut të fruta-perimeve në lagjen 14, Durrës, teksa policia ka rrethuar zonën dhe ka vendosur postblloqe në pikat kryesore të qytetit.
Javën e kaluar një tjetër ngjarje e rëndë tronditi qytetin, ku një 63-vjeçar vrau të shoqen me levë.
