Një ngjarje e rëndë ka tronditur Greqinë, ku një 37-vjeçar ka vrarë mbesën e tij 11 vjeçe, pasi ajo i bëri rezistencë pasi tentoi ta përdhunonte. Protothema shkruan se numërimi mbrapsht për jetën e 11-vjeçares Vasiliki, në Myrtia Ilia nisi në momentin kur ajo hipi në makinën e xhaxhait të saj, pak pas orës nëntë të së dielës (9 qershor 2024).
E mitura ishte shpallur e humbur prej disa ditësh, por sot i është gjetur trupi. Sipas raportimeve thuhet se autori e ka goditur në qafë me kaçavidë pasi kuptoi që e mitura mund t’u tregonte prindërve për ngjarjen. Ndërkohë rezulton se autori, që ende nuk i dihet origjina, ka qenë në liri me kusht, pasi akuzohet edhe për përdhunimin e një vajze 14 vjeçe.
37-vjeçari ka rrëfyer se ka vrarë mbesën e tij duke e goditur në qafë me një kaçavidë. Ai e ka hedhur trupin e fëmijës në një fushë në lagjen Katarrahi, ku është gjetur herët pasdite nga policia. E mitura e pajetë u gjet 30 kilometra larg shtëpisë. Policia po vijon hetimet, ndërsa ende nuk dihet me çfarë preteksti 11-vjeçarja ka shkuar në makinë me xhaxhain e saj.
