Në një shtëpi që nga jashtë dukej e zakonshme në Rodos, për më shumë se 15 vjet është fshehur një histori e tmerrshme abuzimi.
Një grua 31-vjeçare rrëfen se ka qenë viktimë e abuzimit seksual nga babai i saj, që nga mosha 16-vjeçare, duke kaluar një jetë nën frikë dhe kontroll të plotë.
Kjo histori u zbulu pas denoncimit të një punonjësi social, që çoi në nisjen e hetimeve nga Prokuroria greke për akuza serioze si përdhunim i përsëritur, incest, abuzim ndaj të miturve dhe dhunë në familje.
Gjatë dëshmisë së dhënë në prani të psikologut, ajo përshkroi vitet e tmerrit dhe dhunës: “Ai më përdhunoi për vite me radhë, ndjeva sikur nuk mund të shpëtoja”.
Ngjarjet ndodhën brenda mureve të shtëpisë, në heshtje absolute, ndërsa babai i kontrollonte çdo aspekt të jetës së saj.
Tronditës u bë rezultati i testit ADN për vajzën e saj të vogël trevjeçare, i cili tregoi se babai i saj është po ashtu edhe gjyshi biologjik i fëmijës. Kjo dëshmi shkencore vulosi tmerrin e kësaj historie.
I pandehuri, 55 vjeç, mohoi akuzat për përdhunim, por pranoi se kishte pasur marrëdhënie seksuale me vajzën e tij për një periudhë rreth një muaji, duke pretenduar se: “Marrëdhënia ishte konsensuale dhe u ndal kur e kuptuam se nuk ishte e drejtë”.
Ky rast ka tronditur thellë komunitetin dhe ka nxitur nevojën për masa më të forta mbrojtëse për viktimat e dhunës seksuale në familje, si dhe për një reagim të shpejtë dhe të ashpër të drejtësisë ndaj këtyre krimeve.
