Një ditë më parë në biznesin e reperit të njohur Noizy u vendos tritol në orët e para të mëngjesit. Biznesi i Noizyt, butik rrobash që ishte marrë me qira nga babai i tij shpërtheu nga një lëndë plasëse, tritol.
Sherri që Noyzi pati me reperin Cllevio bën që dyshimet kryesore të tij të fokusohen tek ai.
Ndërkohë Noizy ka deklaruar se momentin kur ka ndodhur shpërthimi ai ka qenë në gjumë dhe se nuk është në dijeni se kush mund të jetë autori.
Po ashtu ka treguar se ditë më parë ka pasur një përplasje fizike me Kleviol Ahmetin dhe se nuk ka pasur konflikte të tjera.
“Kur ka ndodhur shpërthimi unë isha në gjumë. Nuk kam ndonjë ide se kush mund të jetë autori, por dy ditë më parë patëm përplasje fizike me Cllevio (Kleviol Ahmetin). Nuk kam konflikte të tjera”, është shprehur Noizy.
Kujtojmë që Kleviol Ahmeti, i njohur ndryshe si Cllevio Serbiano dhe reperi Noizy janë kthyer në kryefjalë të mediave dy ditët e fundit. Cllevio u përfshi në një sherr me reperin Noizy, dy ditë më parë. Pas sherrit, ndonëse u dhunua nga Noizy, Ahmeti u arrestua, teksa Rigelsi dhe babai i tij thjesht u hetuan. Sot biznesi i Noizyt, butik rrobash që ishte marrë me qira nga babai i tij shpërtheu nga një lëndë plasëse, tritol. Reperi dyshon vetëm te Cllevio, ndaj policia do marrë në pyetje të riun nga Lushnja.
