Një shpërthim tritoli ka ndodhur në orët e para të mëngjesit të sotëm në zonën e Freskut në Tiranë, ku shënjestër ka qenë banesa e prindërve të Leonard dhe Elis Dukës, kundërshtarëve të përbetuar të Ervis Martinajt.
Leonard Duka u arrestua më 14 shkurt të këtij viti në Belgjikë, me qëllim ekstradimin drejt vendit tonë, ndërsa i vëllai është në kërkim. 2 vëllezërit të njohur dhe si krerët e klanit Duka akuzohen se kanë marrë pjesë në vrasjen e ish oficerit të policisë Santiago Malkos, mik i ngushtë i Ervis Martinajt.
Vëllezërit Duka dhe Martinaj më parë kishin qenë miq dhe ortakë në biznesin e lojërave të fatit, por që më pas do të niste një valë e pandalshme përplasjesh të ashpra, ku shkak dyshohet se bëhej fjalë pikërisht për këtë aktivitet.
Ndërsa është e paqartë se kujt i përkiste mesazhi me tritol në banesën e Dukës, në ashensorin në katin e katërt të pallatit ku banonte 65 vjeçari.
NJOFTIMI I POLICISE
Më datë 18.04.2023, reth orës 03:00, te Fresku, në afërsi të Insitutit të Fizikës Bërthamore, në katin e katërt të një pallati, në derën e banesës së shtetasit M. D., 65 vjeç, dyshohet se ka shpërthyer një sasi lëndë plasëse.
Si pasojë ka vetëm dëme materiale. Grupi hetimor po punon për zbardhjen e rrethanave të ngjarjes dhe identifikimin e kapjen e autorit.
