Një shpërthim tritoli ka ndodhur gjatë mesnatës në një banesë në Kamzë.
Ngjarja ka ndodhur në rrugën “Mujo Ulqinaku”. Policia ka njoftuar se banesa i përket shtetasit A. K. Me dije bëhet se në momentin e shpërthimit, për fat të mirë nuk ka pasur njerëz në banesë.
Raportohet se nga shpërthimi ka pasur vetëm dëme materiale. Banorët janë alarmuar nga shpërthimi, të cilët kanë telefonuar menjëherë policinë.
Ende nuk janë identifikuar personat që kanë vendosur sasinë e tritolit në derën e shtëpisë së A. K. Policia është duke hetuar ngjarjen për të bërë të mundur edhe shkaqet e saj.
