Ish-ministri i Shëndetësisë, Tritan Shehu me anë të një postimi në rrjetet sociale ka reaguar lidhur me deklaratat e kryeministrit Edi Rama, nga materniteti “Mbretëresha Geraldinë”, mbi sistemin shëndetësor në vendin tonë.
Shehu iu referua deklaratës së kreut të qeverisë mbi individët në radhët e sistemit shëndetësor që do të bëjnë dallimin mes mjekëve. Shehu ndër të tjera në statusin e tij shkruan se kryeministri Edi Rama po ndërton “Shtetin Policor”, ndërsa i ka deklaruar të rrezikshme deklaratat e bëra nga kryeministri Edi
Postim i plotë
Rama po nderton “Shtetin Policor” te informatoreve!
Deklarate e rrezikeshme sot e Kryeministrit- ne Shqiperi po rivendosen struktura te ngjashme me ish Sigurimin.
Ai thote se do te te luftoje “korrupsionin” me rrjet informatoresh brenda institucioneve publike, perfshi dhe ato shendetesore.
Dhe cuditerisht ai e deklaron kete ne nje takim me mjeke e personelin shendetesor, sikur keta te jene e keqja e ketij vendi.
Pa asnje dyshim ketu se pari synohet te goditen e kontrollohen intelektualet, ata qe kane guximin te protestojne e te thone mendimet e tyre ashtu si i gjykojne.
Kjo eshte parathenia e ndertimit ne Shqiperi te shtetit policor, te nje autokracie te eger e diametralisht te kundert me parimet e demokracise, te se drejtes, lirive.
Korrupsioni i vertete ne institucionet publike e vecanerisht ne shendetesi nuk luftohet me te tilla metoda “patronazhistesh”, me spiune e denonciatore, qe dikur i quanim “1200 lekesh”.
Ai mund te perballohet vetem me finacime adeguate te sektoreve, reforma te thella zhvilluese, stimuluese, decentralizuese, nxitese te cilesise e personalitetit profesional, te konkurences reale midis institucioneve shendetesore, barazije ne treg midis privatit e publikut, akreditime e kontrolle te performances se ketyre, me ngritje e respektimin si te pavarur te matesve etike, profesionale e shkencore.
Kjo eshte e vetmja menyre persosje.
Informatoret i kemi provuar dikur, ata pasqyrojne vetem ankthet dhe cperfytyrimet e diktatoreve ne renie.
