Bashkia e Shkodrës mund të përballet me akuza të rënda nga ana e Autoritetit të Kontrollit të Ushqimit për shkak të tregut të ri të ndërtuar.
Pavarësisht se tregu është i ri, sipas AKU nuk plotëson asnjë nga standardet që duhet për t’u tregëtuar produkte të tilla si peshku ose bulmeti.
Këtë e ka thënë Drejtoresha e AKU-së Shkodër, Hasije Sadrija, e cila shprehet se përveç faktit se tregtarët nuk shesin në rrugë produktet e tyre, tregu i ndërtuar nga Bashkia Shkodër ka nevojë për përmirësime të tjera.
Në një deklaratë publike për mediat, Sadrija ka thënë se për shkak të tregtimit jo në kushtet e duhura të produkteve aktualisht janë vendosur 13 gjoba dhe janë dhënë mbi 200 paralajmërime për bizneset.
