Gjatë natës në Hamburg të Gjermanisë, një zjarr i fuqishëm përfshiu spitalin për të moshuar në Marienkrankenhaus, duke shkaktuar vdekjen e të paktën tre personave dhe plagosjen e rreth 50 të tjerëve.
Viktimat, të moshës 84 deri 87 vjeç, ishin pacientët më të rrezikuar, ndërsa tri prej të plagosurve ndodhen në gjendje kritike.
Zjarri nisi rreth mesnatës në katin e parë të ndërtesës. Për shkak të problemeve me lëvizjen, disa pacientë u evakuan me vështirësi përmes korridoreve, sipas zëdhënësit të zjarrfikësve, Lorenz Hartmann.
Shërbimet e emergjencës arritën ta kontrollonin zjarrin përpara se të përhapej në pjesë të tjera të spitalit dhe të kërcënonte jetën e pacientëve të tjerë.
Policia lokale njoftoi se po vazhdon hetimet për të përcaktuar shkakun e zjarrit.
