Tre ditë pas rikthimit në shkolla, shfaqen rastet e para me Covid-19 në katër shkolla publike dhe private të Fierit

Google+ Pinterest LinkedIn Tumblr +

Kanë kaluar vetëm tre ditë nga hapja e shkollave dhe duket se frytet e këtij vendimi po vihen re menjëherë.

BallkanWeb ka mësuar se tre shkolla publike dhe një private në Fier kanë aktualisht raste me COVID-19. Përkatësisht  shkollat ‘’Naim Frashëri’’, ‘’Jakov Xoxa’’ dhe ‘’Penellopi Piro’’ kanë nxënës të infektuar me COVID-19. E njëjta situatë dhe në një shkollë private.

Menjëherë sapo kanë marrë lajmin se janë të infektuar me COVID-19, nxënësit janë karantinuar në banesat e tyre, teksa dyshohet se e kanë marrë nga prindër apo të afërm.

Ndërkohë te shkolla ‘’Penellopi Piro’’ dy nxënësit që janë infektuar janë kushërinj me njëri- tjetrin dhe kanë pasur kontakte.

Ministria e Shëndetësisë ka bërë me dije se gjatë 24 orëve të fundit 3 persona kanë humbur jetën nga pandemia e koronavirusit. Mësohet gjatë 24 orëve të fundit kanë humbur betejën me COVID-19 një 57 vjeçar nga Lushnja dhe një 74 vjeçar dhe një 83 vjeçar nga Tirana.

Ndërkohë janë  kryer në 24 orët e fundit 824 testime dhe janë konfirmuar 144 qytetarë të prekur me COVID19. Që nga fillimi I pandemisë dhe deri më tani në Fier kanë humbur jetën nga koronavirusi 18 persona dhe janë regjistruar 212 raste aktive.

Shpërndaje
Share.

Komento