Një aksident i rëndë ka nodhur në aksin rrugor Elbasan-Peqin në mëngjesin e sotëm, i cili ka rezultuar me pasoja fatale. Ngjarja ka nodhur rreth orës 07:30, në fshatin Pajov, ku mjeti tip “Benz”, me drejtues shtetasin Haxhi Bala., 64 vjeç, banues në Librazhd, i ka prerë rrugën mjetit tip trajler me drejtues shtetasin A.D., 49 vjeç, banues në Korçë, njofton policia.
Si pasojë e përplasjes së fortë ka ndërruar jetë drejtuesi i mjetit tip “Benz”, 64-vjeçari Haxhi Bala. Detaje të tjera rreth aksidentit nuk janë bërë të ditura, po ashtu nuk dihet ende nëse drejtuesi i mjetit tip traljer është shoqëruar në komisariat për veprimet e mëtejshme hetimore.
Policia bën me dije se grupi hetimor është duke punuar për zbardhjen e plotë të rrethanave dhe shkakut të aksidentit tragjik.
Njoftimi i plotë i Policisë së Shtetit:
Elbasan/ Informacion paraprak
Më datë 28.09.2021, rreth orës 07:30, në aksin rrugor Elbasan-Peqin, në fshatin Pajov, mjeti tip “Benz”, me drejtues shtetasin H.B., 64 vjeç, banues në Librazhd, i ka prerë rrugën mjetit tip trajler me drejtues shtetasin A.D., 49 vjeç, banues në Korçë.
Si pasojë e aksidentit ka humbur jetën drejtuesi i mjetit tip “Benz”, shtetasi Haxhi Bala.
Grupi hetimor po punon për zbardhjen e plotë të shkaktut të aksidentit.
