Një person i gjinisë mashkullore është gjetur i vdekur në veturën e tij mbrëmë në Lipjan.
Vdekjen e tij e ka konstatur ekipi mjekësor, ndërsa me vendim të prokurorit trupi i pajetë i viktimës është dërguar për obduksion në IML.
Njoftimi i plotë nga policia:
VDEKJE E DYSHIMTË /Lipjan 25.12.2021 – 19:53. Është gjetur pa shenja jete në veturën e tij një mashkull, shqiptar i Kosovës, vdekjen e personit e ka konstatuar mjeku kujdestar. Ndërsa me vendim te Prokurorit trupi i pa jete dërgohet për obduksion në IML. Rasti nën hetime.
Në vendin e ngjarjes përveç njësive relevante policore ka dalë prokurori i shtetit dhe ekipi mjekësor të cilët e kanë konstatuar vdekjen e viktimës.
Në vendin e ngjarjes janë gjetur dhe sekuestruar prova materiale, ndërsa me urdhër të prokurorit trupi i pajetë i viktimës është dërguar në IML për obduksion.
Ndërkohë para pak kohësh, policia e Kosovës konfirmoi një tjetër vrasje. I ndjeri ka qenë duke pirë kafe kur dy persona kanë hyrë në lokal dhe kanë shtënë me armë zjarri në drejtim të tij.
Mediat kanë raportuar se Lirim Jakupi është njëri nga të dyshuarit për vrasjen e 50 vjeçarit sonte në Gjilan.
Gazeta Online “Reporteri.net” merr vesh nga burimet se viktima dhe i dyshuari janë nip e dajë mes veti.
