CUNEO
Një aksident tragjik rrugor ka ndodhur mbrëmë në zonën e Cuneos në Itali dhe bilanci është katastrofik.
Pesë të rinj kanë humbur jetën për shkak të aksidentit. Aksidenti ndodhi përgjatë rrugës që të çon në Mount Crocette afër Maraman.
Mësohet se një grup të rinjsh kanë udhëtuar me një automjet e pasi kanë humbur kontrollin e tij, ata kanë përfunduar në humnerë, shkruajnë mediat e vendit fqinj.
Bilanci ishte i tmerrshëm: 5 të vdekur, katër djem dhe një vajzë; nga 11 deri 24 vjeç, dhe 4 janë plagosur. Aksidenti ndodhi pas mesnatës në një rrugë malore mbi një mijë metra mbi nivelin e detit, në lokalitetin e Alpe Chastlar.
Lajmi disi i mirë është vetëm se katër të mbijetuarit nuk rrezikojnë jetën. Duket se gjithçka ka nisur me sportvitet. Të rinjtë, 9 persona gjithsej kanë hipur në një makinë, e cila drejtohej nga ana e 24-vjeçarit Marco Appendino, nga Savigliano.
Dy nga viktimat ishin vëllezër, Nicolò dhe Elia Martini, nga 17 dhe 11 vjeç. Emrat e dy djemve të tjerë të vdekur janë Camilla Bessone16 vjeç dhe Samuele Gribaudo 14 vjeç. Të plagosurit janë dërguar menjëherë në spital. Ndërhyeja e policisë dhe forcave të shpëtimit ishte e shpejtë, por lartësia ku kishin rënë të rinjtë kishte qenë e madhe. Trupat e të vdekurve u dërguan në morg.
Zyrtarët lokalë thanë se tragjedia ishte e rëndë dhe se janë të solidarizuar me familjarët e viktimave të kësaj ngjarje të tmerrshme.
