Një ngjarje tronditëse ka ndodhur këtë të premte në Tiranë, ku një foshnje humbi jetën si pasojë e rënies së zjarrit në banesë. Ndërkohë e plagosur ka mbetur gjyshja e foshnjës e cila ishte në shtëpi në momentin e ngjarjes.
Policia ka dhënë detaje se si ndodhi ngjarja e rëndë në Tiranë, ngjarja ndodhi sot në orët e para të mëngjesit, në rrugën “Gani Domi”.
Burime zyrtare nga policia bënë me dije se ka rënë zjarr dhe është djegur plotësisht banesa e shtetases me inicialet J. L.
Si pasojë ka ndërruar jetë një foshnje 6 muajshe, ndërsa shtetasja J. L., ndodhet në spital, nën kujdesin e mjekëve.
Grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.
Mësohet se banorë të zonës kanë sinjalizuar policinë për rënien e zjarrit.
Ndërkohë dritaret e banesës kanë qenë me kangjella dhe kjo e ka bërë të vështirë ndërhyrjen e zjarrfikësve.
Në momentin që ka ndodhur ngjarja gjyshja dhe nipi ka qenë në bodrum dhe ka qenë duke gatuar, dhe në momentin e zjarrit gjyshja ka dalë dhe ka kërkuar ndihmë tek banorët. Ndërkohë flakët ka shpërthyer menjëherë dhe ka marrë flakë e gjitha banesa.
Prindërit e foshnjës nuk ndodheshin në shtëpi dhe janë lajmëruar nga banorët dhe në momentin që foshnja është nxjerrë nga banesa kanë mbërritur edhe prindërit dhe janë nisur në spital bashkë me foshnjen e cila fatkeqësisht ka ndërruar jetë në spital.
