Një 31-vjeçar nga Vlora ka humbur betejën me COViD-19 mesditën e sotme . Bëhet me dije se i riu që ka ndërruar jetë është Myrtezan Memushaj. Mësohet se 31-vjeçari prej ditësh ishte i shtruar në një spital Covid.
Pasi gjendja e tij ishte përkeqësuar, 31-vjeçari, katër ditë më parë u nis për në Turqi për mjekim më të specializuar. Fatkeqësisht Memushaj nuk ka arritur ta fitojë betejën me Covid-19, duke humbur jetën ditën e sotme.
Ky nuk është as i pari dhe as i fundit rast që të rinjtë humbasin jetën nga Covid-19.
Dy ditë më parë , një tjetër i ri humbi jetën si pasojë e koronavirusit. Mësohet se 32 vjeçari ishte Kryetari i grup seksionit të Partisë Demokratike në Belsh.
Prej një jave ishte në gjëndje të rënduar shëndetësore dhe ditën e sotme ka ndërruar jetë në spitalin “Shefqet Ndroqi” në Tiranë. Mësohet se 32 vjeçari nuk kishte sëmundje të tjera shoqeruese.
Kujtojmë se sot nga Covid-19 u shënua një humbje nga bluzat e bardha. Nurie Bace është infermierja nga Lushnja që ka ndërruar jetë në moshën 59-vjeçare si pasojë e infektimit me COVID. Lajmin e ka bërë të ditur Urdhdhri i Infermierve ndërsa shkruan se se e ndjera i ka shërbyer pacientëve me profesionalizëm.
