Kryetarja e Komunës së Tetovës, Teuta Arifi ka dalë në një komunikatë zyrtare ku ka shprehur dhe ngushëllimet për viktimat e tragjedisë së mbrëmshme ku një spital COVID u përfshi nga zjarri,ku dhe ka shpallur 3 ditë zie për qytetin e Tetovës.
Ndër të tjera zyrtarja ka pohuar se do të ofrojë ndihmë për të gjitha familjet e prekura nga tragjedia. Gjithashtu ajo ka shtuar se informacionet do të ndahen në mënyrë të verifikuar.
“I shpreh ngushëllime të sinqerta ndaj gjithë familjeve që kanë humbur të afërmit e tyre në këtë fatkeqësi. Është fatkeqësia më e madhe që ka prekur qytetin tonë. Dëshirojë të ngushëllojë qyutetarët e Tetovës, pasi të gjithë ata janë vëllezërit dhe motrat tanë. Ashtu siç edhe u informuat më parë, Këshilli Komunal i Tetovës mbajti mbledhjen e jashtëzakonshme, ku u shpallën 3 ditë zie. Nga fondi emergjent i komunës do të ndihmohen familjet e prekura. Informacionet do të ndahen të verifikuara. Jam në kontakt të vazhdueshëm me autoritet.”, ka thënë.
Sjellim në vëmendje se një tragjedi ndodhi ditën e djeshme në Tetovë ku një spital ku ishin shtruar pacientë të infektuar me COVID-19 u përfshi nga flakët e për pasoj iu mori jetën 14 personave. Autoritet kanë konfirmuar ditën e sotme se 12 persona i kanë mbijetuar flakëve dhe se ndodhen jashtë rrezikut për jetën, po ashtu ata kanë bërë me dije se nuk ka personel mjekësor të vdekur.
