Gjykata e Apelit ka konfirmuar sot dënimin me 18 vite burg për ish-policin Arjan Tase, i cili më 2 gusht 2022 përplasi për vdekje me skaf 7-vjeçaren Jonada Avdia.
Tase kishte apeluar vendimin e Gjykatës së Shkallës së Parë në Vlorë, por Apeli vendosi të lërë në fuqi dënimin e tij.
Ne 21 Shkurt gjyshi i jonades Ismet Avdiaj, gjyshi i gjate seances se apelit kerkoitheksoi se vendimi i shkallës së parë, ku autori u dënua me 18 vite burg, kishte sjellë drejtësi, dhe një rikonfirmim do të ishte dinjitoz për tragjedinë e familjes Avdiaj.
Ngjarja tragjike
Ngjarja, e cila ndodhi në gusht të vitit 2022, përfshiu një përplasje fatale ku Jonada Avdia u godit fillimisht nga pjesa ballore e gomones së drejtuar nga Tase, dhe më pas trupi i saj u pre nga helikat e mjetit duke i marrë jetën në vend.
E mitura, me origjinë nga Tropoja, ishte në Himarë për pushime me prindërit e saj, të cilët kishin jetuar në Angli për më shumë se dy dekada.
Polici Arjan Tase po lundronte në një zonë të ndaluar për mjetet lundruese, në mes të pushuesve, kur për shkak të një manovre të gabuar përplasi për vdekje të miturën.
Në atë kohë, ai mbante postin e shefit të Policimit në Elbasan dhe kishte qenë më parë shef i Policisë në Himarë.
Tase ka kryer veprën penale “Vrasje me dashje” sipas nenit 76 të Kodit Penal, pavarësisht pretendimeve të mbrojtjes për kualifikimin e faktit penal si “Vrasje nga pakujdesia.”
