Një rrëmujë shpërtheu në hapjen e festivalit muzikor Astroëorld në Houston të Teksasit të premten, ku pati 8 jetëhumbje dhe disa të plagosur rëndë.
Reperi i njohur Travis Scott do të paguajë shpenzimet mortore për 8 personat që vdiqën në Festivalin Astroëorld në Hjuston.
Ngjarja e rëndë ndodhi gjatë koncertit të këngëtarit. Po ashtu mediat e huaja raportojnë se Scott do të ofrojë kujdes falas për shëndetin mendor dhe ndihmë shtesë për ata që janë prekur nga tragjedia.
Pas ngjarjes së rëndë, ku turma e njerëzve u shtyp, 30-vjeçari po përballet me reagime të ashpra, pasi akuzohet se po vazhdonte koncertin edhe pse situata kishte dalë jashtë kontrollit.
Mësohet se po ashtu se këngëtari ka anuluar koncertet.
Vizitorët, raportoi CNN, thyen rrethojat mbrojtëse, pa kontrollin e rojeve të sigurisë dhe detektorëve metalikë, për të hyrë sa më shpejt në hapësirën ku mbahej festivali.
Policia dhe rojet e sigurisë u përpoqën t’i ndalonin, por turma lëvizi e pandalshme dhe në kaos disa persona u përplasën dhe vdiqën.
Festivali organizohet nga reperi Travis Scott dhe është dashur të zgjasë nga e premtja deri të shtunën.
The Chronicle raportoi se Scott e ndërpreu performancën e tij 75-minutëshe disa herë kur pa se disa nga publiku pranë skenës ishin në rrezik.
