Një aksident i rëndë automobilistik ka ndodhur në Miliona të Prespes, Greqi, ku dy të rinj, një 16-vjeçar dhe një 18-vjeçar, kanë humbur jetën.
Ndërkohë, një 17-vjeçar shqiptar, Klajdi Pero (i njohur edhe si Nikos), është në gjendje kritike dhe po lufton për jetën në spitalin “Papabilolaou” të Selanikut.
Ngjarja ndodhi kur automjeti ku udhëtonin tre të rinjtë doli nga rruga dhe u përplas me një pemë, teksa ishin nisur nga Follorina për në Agio Germano.
Përplasja ka rezultuar fatale për 16-vjeçarin Kostantino dhe 18-vjeçarin Stavro, ndërsa Klajdi është dërguar me urgjencë në spital dhe ka nevojë për gjak.
Në media është bërë apel për dhurim gjaku për të shpëtuar jetën e 17-vjeçarit shqiptar.
