Një tragjedi e rëndë ka ndodhur mengjesin e sotëm në Pukë, ku një familje ka rrezikuar të shuhet në tre breza, pasi shtëpia e tyre është përfshirë nga flakët.
Ngjarja mësohet të ketë ndodhur rreth orës 03:45 të mëngjesit në lagjen ‘Va Shënkoll’ të fshatit Breg , prej nga kanë mbetur të vdekur çifti Petrit dhe Dava Ndoj, 46 dhe 35 vjeç.
Në shtëpi në ato momente kanë qënë duke fjetur, dy prindërit e të zotit të shtëpisë dhe katër fëmijët e tij të mitur, të cilët duke qenë se ndodheshin në katin e parë të banesës, kanë arritur të shpëtojnë të gjashtë, por nuk ka qenë i njëjti fat për çiftin Ndoj.
Ata janë gjetur të dy pranë njëri tjetrit, pasi kanë qenë duke u përpjekur që të dalin jashtë, por për shkak të flakëve ka qenë e pamundur.
Nga ajo që lajmërohet, gjyshërit dhe fëmijët, të cilët janë të moshave 15 vjeç, 13 vjeç, 12 vjeç dhe 11 vjeç, kanë arritur që të shpëtojnë mrekullisht me dëmtime të lehtë të trup, pasi kanë dalë menjëherë nga dritarja.
Madje djali më i rritur i familjes, ka shpëtuar edhe gjyshën e tij, e cila është e paralizuar duke e nxjerrë në krahë nga flakët.
Raporti i policisë
Fëmijët të moshës 15 , 13 , 12 e 11 vjeç ndodhen në Spitalin e Pukës me dëmtime të lehta.
Nga informacionet paraprake dyshohet se zjarri ka rënë për shkak të një shkëndije elektrike.
Nga të dhënat e para mësohet se alarmin për zjarrin e ka dhënë i zoti shtëpisë Pal Gjoni 82-vjeç, i cili kishte dëgjuar zhurmën e tjegullave. Trupat e pajetë të çiftit të bashkëshortëve u gjetën pranë njëri-tjetrit teksa kishin tentuar të dilnin nga dhoma.
