Nxirret një tjetër trup i pajetë i familjes Arrazi nga ujërat e lumit Buna. Burime bëjnë me dije se është trupi i pajetë i fëmijës 3-vjeçar dhe mësohet se u gjet nga forcat speciale pranë fshatit Oblikë të njësisë Ana e Malit, pas kërkimeve intensive.
Bëhet fjalë për djalin e familjes Arrazi, trupi i tretë i gjetur pas dy motrave të tij, të cilat u zbuluan më herët. Dyshohet se fëmijët dhe nëna e tyre, Alma Arrazi, janë vetë-mbytur në lumin Buna. Policia dyshon se Alma, në gjendje të rënduar psikologjike, i dha fund jetës duke u hedhur në lumë bashkë me tre fëmijët.
Trupi i Alma Arrazit ende nuk është gjetur. Kamerat e sigurisë së një biznesi i fokusuan nënën dhe tre fëmijët e saj disa ditë më parë, pasdite. Ngjarja mendohet të ketë ndodhur më 2 maj dhe të nesërmen bashkëshorti i saj bëri denoncimin në polici.
Dje u gjet trupi i pajetë i vajzës së madhe të Alma Arrazit, 9 vjeçe, rreth 5 km larg nga ura e Bunës.
