Stiven Bregu është 18-vjeçari shqiptar i cili ia doli të fitonte qëndrimin në Britani. Në moshën 13-vjeçare, Stiven u braktis në mes të rrugëve të një qyteti britanik, pasi kishte udhëtuar ilegalisht për në Mbretërinë e Bashkuar.
Nëpërmjet një peticioni të nisur dy muaj më parë, Stiven ia doli të fitojë me 100 mijë firma qëndrimin në Britani.
Pa e ditur gjuhën dhe pa asnjë lek në xhep, Stiven u mor nën kujdesin e një familjeje në Bristol. Ai u regjistrua në Shkollën St Mary’s Redcliffe, shumë afër me kancelarin britanik Sajid Javid.
Stiven ishte një djalë i shkathët dhe inteligjent i cili fitoi simpatinë e të gjithë shokëve të klasës dhe mësuesve. Kur ai të mbushte 18 vjeç, Stivenin do ta dëbonin nga Britania.
Familja e tij kujdestare, miqtë dhe vendasit në Bristol u mblodhën për të mbajtur Stiven në vend dhe pas mbledhjes së 100,000 nënshkrimeve për një peticion, të riut shqiptar iu dha e drejta për të qëndruar në shtetin britanik.
Stiven Bregu ia arriti të bëhej mentor i nxënësve të rinj dhe fitoi mbështetjen e kryetarit të bashkisë Marvin Rees, pasi mori pjesë në një Program të Udhëheqjes së Qytetit.
18-vjeçari ia doli të shkëlqente në mësime e sidomos në matematikë, ku tashmë e flet shumë rrjedhshëm anglishten. Ai shprehu edhe dëshirë për të ndenjur në Bristol, pasi ka fituar edhe një praktikë në një nga firmat më të mëdha të administrimit të pasurisë.
