GJKKO ka konfirmuar masën e sigurisë “arrest në burg” për disa zyrtarë të lartë të policisë dhe një ish-efektiv të Forcave Operacionale, të cilët dyshohet se janë përfshirë në trafikun e drogës.
Të arrestuarit janë Shkëlzen Ruska, ish-shefi i krimeve në Komisariatin e Himarës, Ervis Alisinanaj, ish-shefi i krimeve në Komisariatin e Lushnjës, dhe ish-efektivi i Forcave Operacionale, Erdit Hazizaj.
Ata janë arrestuar me urdhër të SPAK, për akuzën e trafikut të lëndëve narkotike. Po ashtu, është shpallur në kërkim edhe një tjetër efektiv i dyshuar për të njëjtën akuzë.
