Çermen Valiev, mundësi që garon për Shqipërinë, ka reaguar pas incidentit në Bratislavë, ku presidenti i Federatës Ruse të Mundjes, Mikhail Mamiashvili, e akuzoi atë për tradhti, pasi Valiev mposhti një sportist rus në finale dhe përfaqësoi Shqipërinë.
Në një intervistë për median ruse “Match TV”, Valiev shprehu habinë e tij për këto akuza, duke theksuar se kur vendosi të përfaqësojë Shqipërinë, ndoqi të gjitha procedurat ndërkombëtare dhe gjithçka ishte bërë zyrtarisht.
Ai sqaroi se ka paguar një tarifë prej pesë mijë eurosh për Federatën Ndërkombëtare të Mundjes, dhe pesë mijë euro edhe për Federatën Ruse të Mundjes, duke theksuar se nuk ka borxhe ndaj askujt.
Valiev shpjegoi se vendimi për të garuar për Shqipërinë ishte i bazuar në dëshirën e tij për të ndjekur ëndrrën sportive dhe se ky hap nuk kishte lidhje me tensionet politike.
