9 persona me kombësi shqiptare janë arrestuar gjatë një megaoperacioni nga policia italiane.
Së bashku me ta janë arrestuar edhe 3 italianë.
Ka qenë Drejtoria e Qarkut Antimafia e Prokurorisë Publike në Gjykatën e Leçes, e cila bëri të mundur identifikimin e tre organizatave kriminale të përbëra nga anëtarë me origjinë italiane dhe shqiptare.
Këto organizata eksportonin tonelata të mëdha droge nga Shqipëria dhe Holanda.
Drogat e llojit kokainë, heroinë, hashash dhe marijuana, pasi futeshin në territorin Apulian, nxirreshin në tregun e paligjshëm në provincat e Brindizit, Leçes dhe Tarantos.
Si rezultat i operacionit policia ka sekuestruar: 5 ton marijuanë, 15 kilogramë heroinë, 2 kilogramë kokainë dhe 1 kilogram hashash, si dhe 2 gome, 3 makina, 2 armë dhe disa qindra plumba.
