Një Olimpiadë “e sigurt” e Tokios do të ndodhë këtë vit, thotë presidenti i Komitetit Olimpik Ndërkombëtar (IOC) Thomas Bach. Gjermani tha se nuk ishte më çështje nëse Lojërat do të zhvilloheshin këtë verë, por si do të mbaheshin.
Lojërat Olimpike u shtynë verën e kaluar pasi u përhap pandemia e koronavirusit.
“Në këtë moment nuk kemi asnjë arsye të dyshojmë se ceremonia e hapjes do të bëhet në 23 korrik,” tha Bach. Pyetja nuk është nëse, pyetja është se si do të zhvillohen këto Lojëra Olimpike. IOC po punon me shpejtësi të plotë së bashku me partnerët dhe miqtë tanë Japonezë për t’i bërë Lojërat Olimpike të shtyra një manifestim i sigurt i paqes, solidaritetit dhe qëndrueshmërisë së njerëzimit në kapërcimin e pandemisë. Prioriteti ynë kryesor i përbashkët ishte, është dhe mbetet një Lojë Olimpike e sigurt dhe për të gjithë.”
Presidenti i Atletikës Botërore Lord Coe tha në fillim të këtij viti se Lojërat mund të duhet të zhvillohen me dyer të mbyllura, ndërsa në janar ish-shefi ekzekutiv i Lojërave Olimpike të Londrës 2012 tha se ishte “e pamundur” që Lojërat e Tokios të zhvilloheshin këtë verë. Organizatorët vendas japonezë do të njoftojnë deri në fund të marsit nëse spektatorët e huaj do të lejohen të marrin pjesë në Lojëra.
