Shembja e Teatrit Kombëtar ka “pushtuar” mediat e vendit tonë, ku të ftuar në studio të ndryshme televizive përplasen midis tyre për shkak të anës dhe mendimeve që ata mbajnë e ndajnë.
Mbrëmjen e sotme regjisori Edmond Budina është përplasur me aktorin Artan Imami, të cilin e quajti hajdut dhe bashkëpunëtor në krim.
Teksa fliste në një lidhje me “Skype” po tregonte se çfarë ndodhi gjatë protestës së sotme dhe me çështjen e Teatrit Kombëtar, por u ndërpre nga Imami.
Budina e quajti gënjeshtar aktorin si dhe bashkëpunues në shembjen e Teatrit Kombëtar.
Edmond Budina: Kush flet aty, kush jeni ju?
Artan Imami: Jam Imami, Artan Imami…
Edmond Budina: Jojo, shikoni, unë nuk mund të flas me ju, nuk dua të flas me ju sepse ju jeni bashkëpunëtorë në krim, dhe me ata aty….
Artan Imami: Ti gënjen.
Edmond Budina: Gënjen ti Artan se ti nuk ishe këtu…
Artan Imami: U takuam dhe kemi qenë dëshmitarë. Kur të thashë unë që do vij të marr këmishat e tua, më the hajde hajdeni se jua rregullojmë ne.
Edmond Budina: T’ju vijë turp.
Artan Imami: T’ju vijë turp juve se keni uzurpuar një pronë publike për dy vite e ca.
Edmond Budina: Ore ju lutem do ma hiqni atë!
Eni Vasili: Ju lutem se ju kemi marrë për intervistë.
Edmond Budina: Hajde bëfshi natën e mirë….ika
Artan Imami: S’kam ardhur këtu të dëgjoj monologun tënd.
Eni Vasili: Ju lutem dua të mbaroni intervistën.
Artan Imami: Ju lutem…. T’ju tregoj ky njeriu këtu…
Eni Vasili: Jo jo nuk do flasim për zotin Budina….ai nuk është këtu.
Artan Imami: Jo, jo po duhet ta dini…
Eni Vasili: Nuk është e drejtë se ai nuk është këtu.
Artan Imami: Pse se keni hall se ikën ai? Ikën ai se ka frikë.
