Vazhdojnë të zbulohen skandale për funksionarë të ndryshëm, por këtë herë bëhet fjalë për pushtetin lokal. Policia e Shkodrës ka ndaluar dy ditë më parë, anëtarin e Këshillit Bashkiak të Vaut të Dejës, Dod Dodani, bashkë me tre persona të tjerë që po transportonin një sasi prej 100 kg marijuanë.
Anëtari i Këshillit Bashkiak, përfaqësues i Aleancës Demokristiane në Këshillin Bashkiak të Vaut të Dejës që nga viti 2015, mirëpo mesa duket qëllimet e Dodanit kanë qenë të ndryshme.
Dodali është ndaluar në rrugën Lezhë-Shkodër, së bashku me N.M 45 vjeç, J.N34 vjeç dhe A.T 24 vjeç, të tre nga fshatrat e Velipojës.
Nga raportimet e policisë ata si fillim kanë ndaluar në një pikë karburanti që nuk ishte nën funksion dhe pasi kanë parë policinë kanë braktisur mjetin dhe kanë tentuar të arratisen, por pa sukses.
Gjatë kontrollit të makinës, atyre iu gjetën në bagazh 100 kg marijuanë, mirëpo përpos makinës, Dodanit i është kontrolluar edhe banesa ku janë gjetur42,2 gramë kanabis sativa si dhe fara të bimëve narkotike në një sasi prej 179 gramësh.
