Vjen edhe shkarkimi i tretë për ditën e sotme nga Komisioni i Pavarur i Kualifikimit dhe këtë herë bëhet fjalë për drejtuesin e Prokurorisë së Apelit të Durrësit, Ferdinand Elezin.
Ashtu si edhe dy paraardhësit e tij, edhe Elezit i janë gjetur probleme me pasurinë për shkak të blerjes së dy apartamenteve dhe mospagimit të taksës nga fitimet e qirasë së apartamentit në Tiranë pranë Komunës së Parisit.
Mirëpo sa i përket mospagimit të taksës së qirasë, ai ka thënë se nuk ishte në dijeni të kësaj takse se duhet ta paguante, por në momentin e parë që e ka mësuar, i ka paguar.
Mirëpo kjo nuk ka qenë e mjaftueshmë për të bindur gjyqtarët, pasi vendimi ka qenë i patjetërsueshëm.
Nga hetimet e bëra, KPK ka marrë këtë vendim përfundimtar, gjë që për Elezin, i cili ka qenë kandidat edhe për Prokurorinë e Përgjithshme, do të thotë rënie drastike në karrierë.
