Ditën e sotme do jenë të hapura vetëm farmacitë dhe dyqanet ushqimore.
Bizneseve të tjera nuk u lejohet të ushtrojnë aktivitetin e tyre në fundjavë.
Aktivisti, pedagogu dhe gazetari Erion Kristo ka njofuar në rrjetin e tij social “Facebook”, se sot në orën 18:00 do të jetë në hyrje të Liqenit të Tiranës, pasi është kundër mbylljes së tij gjatë fundjavës.
Ai shprehet në postim se do të jetë i vetëm pranë liqenit, me qëllimin që të kundërshtojë këtë vendim.
“Sot në ora 18, do jem te Garda, te Hyrja e Liqenit.
Nuk jam dakord që liqeni të mbyllet. Nuk ka asnjë arsye shkencore ose vendimmarrje shtetërore për këtë.
Do shkoj atje, me shpresën se autoritetet shtetërore do kenë ndryshuar qëndrim.
Do shkoj vetëm, kështu që mos u shqetësoni ju nëpër lokale. Vëllezërit myslimanë reaguan dhe fituan”, shprehet Erion Kristo.
