Pasi UEFA i ndaloi të ndriçonte stadiumin e Mynihut me ngjyrat e flamurit LGBT, tifozët gjermanë kanë gjetur një mënyrë tjetër sit ë manifestojnë bindjet e tyre. Debate u hap para ndeshjes me Hungarinë, qeveria e së cilës ka ndaluar të mësohet për homoseksualitetin në shkolla për personat nën 18 vjeç.
Ndërsa tensionet u rritën brenda dhe jashtë fushës, udhëheqësit e BE dhe Hungaria patën replica në distancë rreth ligjit të ri që ndalon përmbajtjen arsimore LGBTQ për fëmijët, me shefin e BE duke e kritikuar atë si një turp.
Autoritetet e qytetit të Mynihut kishin planifikuar të ndiznin stadiumin Allianz në ngjyrat e ylberit gjatë ndeshjes së Gjermanisë kundër Hungarisë për të dërguar një shenjë të dukshme solidariteti me komunitetin LGBTQ të Hungarisë.
Por UEFA refuzoi kërkesën, ndërsa të mërkurën vendosi ngjyrat e ylberit në logon e saj.
Presidenti i UEFA-s Aleksander Ceferin tha se organizata e tij nuk mund t’i nënshtrohej kërkesave “populiste” nga politikanët, por Gjermania tha se drejtuesit e institucionit dërguan mesazhin e gabuar.
Gjithsesi solidariteti u shpreh në mënyra të tjera. Vetëm disa minuta para fillimit në Allianz Arena të Mynihut, një tifoz i veshur me një bluzë të Gjermanisë dhe duke valëvitur një flamur të madh LGBT iu shmang sigurisë për të pushtuar fushën, duke vrapuar përpara ekipeve të renditura përpara se të merrej nga administratorët dhe të largohej.
Kur dyert u hapën më herët në stadium, aktivistët gjermanë të veshur me bluza të dekoruara me logon LGBT po shpërndanin flamuj ylber për tifozët.
Tifozi gjerman Michael, 51 vjeç, tha për AFP-në se ai do të donte të shihte stadiumin të ndriçuar. “Nuk e shoh si politike dhe mendoj se do të kishte qenë një sinjal i shkëlqyer”, tha ai.
