Arrestimi i Pajtime Fetahut, ish-kryegjyqtares së Elbasanit, në kuadër të një megaoperacioni të ndërmarrë nga SPAK, ka ngritur pikëpyetje të forta mbi integritetin e institucioneve gjyqësore në Shqipëri.
Fetahu akuzohet për lidhje me klanin kriminal Çopja dhe për urdhërimin e një sulmi ndaj gazetarit Saimir Kodra, si akt hakmarrjeje.
Nga hetimet kanë dalë në pah biseda të zbardhura mes saj dhe Suel Çelës, alias Marjus Lulaj, një personazh i njohur i botës së krimit.
Mesazhet e përgjuara reflektojnë një lidhje miqësore dhe mbështetje të ndërsjellë, duke ngritur dyshime të forta mbi përfshirjen e saj në veprimtari kriminale.
Pjesë nga bisedat:
• Pajtime Fetahu: Ti si je, je mërzitur?
• Marjus Lulaj: Pastaj dihet jeta luftë qënka, jo nuk dorëzohem kollaj ti e di.
• Pajtime Fetahu: S’ka gjë, prapë ne në majë do dalim.
Në një bisedë tjetër, lidhja e tyre del edhe më e fortë:
• Marjus Çela: Rri e qetë, nuk je vetëm.
• Pajtime Fetahu: Unë të kam xhan, ti je engjëll mbrojtës.
• Marjus Çela: Edhe unë, rri super e qetë…
• Pajtime Fetahu: Unë të kam ty, ti më ke mua.
Operacioni vijon të zhvillohet, ndërsa priten më shumë të dhëna mbi përmasat e përfshirjes së Fetahut dhe bashkëpunëtorëve të saj.
