Interi i drejtuar nga Simone Inzaghi fitoi 3-2 ndaj Torinos në “San Siro”, në përballjen e Serie A, në një duel ku heroi është padyshim sulmuesi Thuram që shënoi të tre golat për vendasit.
Zikaltërit nuk e patën të vështirë në një ndeshje të dominuar plotësisht nga ata, ndërkohë që miqtë nga Torino komplikuan llogaritë në maksimum në minutën e 20-të, kur arbitri ndëshkoi me karton të kuq Maripan, për një ndërhyerje të ashpër ndaj Markus Thuram. Zikaltërit realizuan dy herë në pjesën e pare pikërisht me Thuram, ndërsa Zapata ngushtoi shifrat. Në fillimin e pjesës së dytë, Thuram thelloi shifrat, duke “vulosur” përfundimisht këtë sukses.
Në fund, në krahun tjetër, Vlasic përktheu në gol një penallti por vetëm aq. Interi i Inzaghit mer një tjetër fitore, duke iu përgjigjur Napolit kryesues, ndërsa skuadra nga Milano është sërish favoriti kryesor për fitimim e titullit kampion. Të dielën, luhen ndeshje të tjera interesante në Serie A.
