SPAK ka përfunduar hetimet për ish-zëvendëskryeministrin në arrati, Arben Ahmetaj dhe pritet t’i komunikojë akuzat penale në cilësinë e të pandehurit, në lidhje me aferën e inceneratorëve.
Avokatët e Ahmetajt ishin ftuar të enjten për të firmosur përfundimin e hetimeve, por u njoftuan më pas se këto veprime do të kryheshin javën e ardhshme.
Burimë pranë Prokurorisë së Posaçme thanë se ndaj ish-numrit dy të qeverisë janë ngritur akuzat e korrupsionit në 6 raste, pastrimit të parave dhe fshehjes së pasurisë.
Ai akuzohet se ka përfituar rryshfet nga bosët e inceneratorëve Mirel Mertiri dhe Klodian Zoto, te cilëve po ashtu do t’ju komunikohen akuzat zyrtare.
E reja në këtë proces ishte ftesa e SPAK për ish bashkëshorten e Ahmetaj, Albima Macka. Avokati i saj Ermir Beta tha për Neës 24 se pritet të mësojë për statusin penal të të mbrojturës prej tij, nëse është ngritur ose jo akuzë zyrtare.
Ahmetaj prej muajsh është në arrati dhe sipas te dhënave ndodhet në Zvicër, ku ka kërkuar strehim politik.
