Disfata 0-4 në shtëpi ndaj Atalantës ka vënë në diskutim të ardhmen e Thiago Mottës te Juventusi.
Eliminimi nga Liga e Kampionëve, humbja në Kupën e Italisë dhe “rrëshqitja” nga gara për titull po shtojnë presionin mbi trajnerin, dhe mund të sjellin fundin e mandatit të tij.
Drejtuesit e klubit kanë nisur punën për të gjetur pasuesin e Mottës, dhe janë duke shqyrtuar disa emra.
Antonio Conte është kandidati më i preferuar, pasi ka bërë një sezon të shkëlqyer me Napolin dhe shumë tifozë shpresojnë në një rikthim të tij.
Gian Piero Gasperini, i cili ka turpëruar Juventusin dhe ka arritur suksese me Atalantën, është gjithashtu në listën e opsioneve. Po ashtu, Roberto De Zerbi, që po shkëlqen me Marseille, mund të kthehet në Serie A, dhe disa klube italiane po e kërkojnë.
