Një 26-vjeçar shqiptar është arrestuar ditën e sotme në Greqi, pasi kishte thyer karantinën.
Sipas “Balkanweb”, ai ishte me kombësi greke dhe kishte pak kohë që kishte ardhur nga Londra.
Në momentin e arrestimit, shqiptare po thyente pasqyrat e disa makinave.
Për arrestimin e tij janë angazhuar 14 efektivë të skuadrës së DIAS.
Shqiptari rezultoi me temperaturë 38 gradë celcius dhe pritet t’i nënshtrohet analizave për koronavirus.
Mësohet se ai vuan nga probleme psikologjike dhe në momentin e arrestimin pështyu të 14 policët, të cilët janë futur në karantinë tashmë.
Deri më tani në Greqi janë identifikuar 624 persona me koronavirus, nga të cilët 17 kanë ndërruar jetë.
Në mesin e të prekurve janë edhe dy çifte shqiptarësh.
Kryeministri grek, Micotaqis, në një deklaratë për mediat, bëri me dije se nga e hëna, lëvizjet e makinave dhe njërëzve do të kufizohen.
Sipas urdhërit, do të lejohen vetëm personat që kanë probleme shëndetësore, ata që duan të blejnë ushqime dhe punëtorët.
