Themeluesi i Wikileaks, Julian Assange është dënuar me 50 javë burgim për shkak të shkeljes së kushteve të garancisë së sigurisë.
Vendimin e mori Southwark Crown Court në Londër. Julian Assange u arrestua në fillim të prillit, pasi pati gjetur strehim me vite të tëra në Ambasadën e Ekuadorit. Po në të njëjtën ditë, një gjykatë britanike e quajti atë fajtor, se me arratinë në ambasadë pati shkelur kushtet e garancisë. Kur mbërriti në sallën e gjyqit në lagjen e Londrës Southwark, australiani 47 vjeçar tregoi grushtin e tij të mbledhur. Disa demonstrues mbanin pankarta me mbishkrimin “Lëreni të lirë Assange”.
Gjatë dhënies së vendimit të gjykatës në Southwark, pati protesta për lirim të Assange. Protestuesit patën komente edhe për gjykatësin e çështjes duke i thënë ‘’turp për ty”.
Assange i ka dërguar një letër gjykatësit duke i kërkuar falje. Ai ka cekur rrethanat e vështira me të cilat është përballur gjatë asaj kohe si arsye të mos paraqitjes në gjytkatë.
Themeluesi i platformës së zbulimit Wikileaks u arratis në vitin 2012 në Ambasadën e Ekuadorit. Në këtë moment atë duhet ta ekstradonin në Suedi, ku duhej të dilte para gjyqit nën akuzën e përdhunimit dhe të dhunë seksuale. Assange kishte frikë se Suedia do ta ekstradonte në SHBA, ku e kërcënon një proces për shkak të dokumenteve amerikane për luftërat në Afganistan dhe Irak, të publikuara në Wikileaks. Qeveria e SHBA ka paraqitur një kërkesë për ekstradim, kundër së cilës Assange do të paraqesë kundërshtime.
Aktualisht më shumë se 70 deputetë britanikë i kanë dërguar një letër sekretarisë së shtetit, me anë të së cilës kërkohet ekstradimi i Assange nëse autoritetet suedeze do e kërkojnë një gjë të tillë
