Gazeta britanike “The Sun” ka publikuar një artikull për shqiptarët, ku citohet se ata tashmë kotrollojnë tregun e kokainës.
“Gangsterët e Ballkanit Perëndimor” ia kanë kaluar edhe polakëve për nga numri i të burgosurve të huaj në Britani. Ky ka qenë njoftimi i ministrisë së Drejtësisë në Londër.
Në artikull thuhet se numri i shqiptarëve pas hekurave pothuajse është dyfishuar në vetëm katër vjet, nga 475 të regjistruar në qershor 2015. Një dekadë më parë shifra ishte vetëm 166.
Ndërsa në raportin e Ministrisë së Drejtësisë theksohet se “shqiptarët përbëjnë numrin më të madh të të huajve në burgjet britanike, në vend të dytë janë polakët, pastaj rumunët, irlandezët dhe emigrantët nga Xhamajka.
Kjo ka ndodhur pas krijimit të bandave të organizuara dhe të pamëshirshme shqiptare që u futën në tregun e drogës në Britani.
Sipas tyre, madje shqiptarët kontrollojnë edhe importin e dërgesave të drogës nga e gjithë bota.
Agjencia Kombëtare e Krimit ka paralajmëruar se grupet shqiptare të krimit kanë krijuar një ndikim të profilit të lartë brenda krimit të organizuar në Mbretërinë e Bashkuar, dhe kanë një kontroll të konsiderueshëm në të gjithë tregun e trafikut të drogës në Mbretërinë e Bashkuar, veçanërisht kokainën.
Londra është destinacioni i preferuar i shumë shqiptarëve për të ikur me kamion e për të punuar për shumë vite në mënyrë ilegale.
