Gazeta britanika “The Sun” i ka dedikuar një artikull adoleshentëve shqiptar.
Sipas Agjencisë Kombëtare të Krimit (NCA), Shqipëria është burimi i madh i huaj për trafikimin e njerëzve në Mbretërinë e Bashkuar.
Rreth 947 raste iu referuan asaj në 2018 – një rritje prej më shumë se 50 përqind që nga 2015.
“The sun” shkruan se bosët e drogës trafikojnë fëmijë në Britani duke i detyruar të punojnë si skllevër në tregun e kokainës prej 5 miliard paund.
Ajo më pas paraqet historitë e katër të miturve shqiptarë, që u trafikuan në Britani.
Samet Mata– ka lypur në rrugë që 11 vjeç, nën dhunën e të atit.
Më pas, ai u trafikua në Britani nga bandat shqiptare, duke bërë një punë skllavëruese.
Sameti ka mbërritur në Bristol me kamion tre vjet më parë, pasi u trafikua në Britani për të punuar në një nga industritë e skllavërisë së sotme.
Pasuria e tij ndryshoi kur ai arriti të shpëtojë nga kontrabandistët e njerëzve dhe përfundimisht gjeti strehë të sigurt me një familje kujdestare.
Por, nëse Sameti ishte me fat, s’mund të thuhet e njëjta gjë për të tjerët.
Endrit Vishaj hyri në Mbretërinë e Bashkuarilegalisht, kur ishte 16 vjeç, i fshehur në një kamion që e çoi në Midlands.
Tani, 18 vjeç, ai vuan dënimin me katër vjet e katër muaj burg për kultivimin të kokainës.
Ai u kap në një park automjetesh , në një mjet tip ‘BMË’, në të cilën policia gjeti dy kg kokainë me cilësi të lartë me vlerë 200,000 paund si dhe një sasi parash prej 55,500 £.
Po ashtu, Klevis Drazhi, 20 vjeç, u kap me 11 pako kokainë në Londër dhe u burgos për 18 muaj, duke pretenduar se ai ishte detyruar të furnizonte me drogë nga një anëtar i mafies së Shqipërisë.
Alfred Hamzaj, 22 vjeç, u kap me katër kilogramë kanabis.
Tashmë, ai vuan dënimin në burg.
Hamzaj tha se përfundoi në grupet kriminale pasi humbi punën e tij në një lavazh makinash për shkak të statusit të tij të paligjshëm të imigracionit.
Rritja e numrit të shqiptarëve ashtu si këta të rinj, janë kontrabanduar në mënyrë të paligjshme në Mbretërinë e Bashkuar me premtimin për të fituar mijëra paund nga shitja dhe trajtimi i drogës për bandat.
Sipas ‘The Sun’ ka edhe raste kur vetë prindërit i ndihmojnë djemtë e tyre adoleshentë të trafikohen në Britani, në mënyrë që të mund të bashkohen me bandat e krimit të organizuar që kontrollojnë kanale të mëdha të tregut të kokainës.
Specialisti ndërkombëtar i zbatimit të ligjit Steve Harvey thotë se shumica e djemve dhe të rinjve shqiptarë trafikohen me shoqërimin e prindërve të tyre dhe me premtimin për shuma të mëdha parash nga trafikantët.
Në disa raste, anëtarët e familjes janë drejtpërdrejt përgjegjës për rekrutimin dhe shfrytëzimin e viktimave të trafikimit.
Disa janë kontrabanduar këtu në kamionë, shumë me pasaporta të rreme duke hyrë me makinë ose traget në Britani.
