Për momentin nuk i dimë asnjë romancë Morena Tarakut, kështu që mbetëm të habitur kur ajo postoi një foto me unazë.
Këngëtarja nga Kosova publikoi në Insta Story një imazh ku shfaqet me një unazë me një diamant gjigand, në gishtin e fejesës. Për të na trullosur akoma më shumë, Morena shkruan në mbishkrimin e fotos “Thash po” të shoqëruar me një emoji, që jep ndjesinë e të qenit e dashuruar.
Ndërsa duket se ajo është nisur për një udhëtim, Morena nuk ka vendosur që të tregojë më shumë detaje për momentin.
Lidhja e saj më e bujshme ishte me miliarderin iranian, Sasha Sobhani, me të cilin u nda në qershor të vitit të kaluar. Ndarja e tyre nuk ishte aspak me konsensus, pasi dyshja vazhdoi të bënte deklarata provokuese për njëri-tjetrin edhe për disa muaj më vonë.
Ndërsa e pyetur kohë më parë sesi dukej për të mashkulli perfekt, Morena u shpreh se “nuk ekziston”.
Ndoshta Morena ka vendosur që të provokojë ndjekësit e saj me postimin e fundit dhe unaza nuk i përket saj ose është një dhuratë që ia ka bërë vetes. Të vërtetën e di vetëm këngëtarja për momentin!/ iconstyle.al
