Disa politikanë në Kosovë kanë dalë në deklarata se ekziston një marrëveshje e nënshkuar me Serbinë, mirëpo ka qenë vet presidenti Thaçi që i ka kundërshtuar këto fjalë.
Në një deklaratë për Radio Evropa e Lirë ai ka qenë se nuk eksizon një marrëveshje e tillë dhe se momentalisht ndodhet me pushime, mirëpo të hënën do të takojë Ekipin Negociator për të diskutuar rreth marrëdhënieve mes Kosovës dhe Serbisë.
“Unë në vazhdimësi i kam informuar të dy bashkëkryesuesit e Ekipit Negociator për të gjitha temat që janë diskutuar deri më tani në Bruksel, në kuadër të fazës së fundit të dialogut për normalizimin e marrëdhënieve ndërmjet Kosovës dhe Serbisë”, tha Thaçi.
Ekipi Negociator përbëhet si nga përfaqësues të qeverië ashtu edhe të opozitës dhe ditëve të fundit ka kërkuar një raport të plotë dhe dokumentet zyrtare që kanë lidhje të drejtpërdrejtë me procesin negociator të Kosovës dhe Serbisë në Bruksel.
Gjithashtu Thaçi ka thënë se nuk ekziston asnjë dokument i shkruar ose draft i përgatitur nga BE rreth marrëdhënieve Kosovë-Serbi.
“Gjithashtu, ua kam bërë të qartë se deri më tani nuk ekziston asnjë dokument i shkruar zyrtar apo draft-marrëveshje e përgatitur nga BE-ja. Kjo është e natyrshme, sepse ne jemi në fazën fillestare të negociatave për të arritur një marrëveshje përfundimtare gjithëpërfshirëse. Përkundër kësaj, sapo ta mbaroj pushimin, të hënën do të takojë Ekipin Negociator dhe do ua japë edhe në formë të shkruar informacionet e përgjithshme për periudhën e deritashme të bisedimeve. Në këtë proces historik, ne do të punojmë së bashku dhe në koordinim me njëri-tjetrin”, ka thënë presidenti Thaçi.
