Kryeministri Edi Rama ka marrë në mbrojtje ministren e Shëndetësisë, Ogerta Manastirliun e cila ditën e djeshme në parlament u shpreh “do të përballemi me zgjedhje se kush do të trajtohet i pari”.
Kryeministri shkruan se kreu i opozitës Lulzim Basha ka nxjerrë nga konteksti atë ccfarë ka thënë ministria.
Statusi i Ramës që shoqëron videon:
Sot Lulëzim Basha nxorri nga konteksti i fjalës së Ministres së Shëndetësisë, shprehjen e shqetësimit të saj për se si mosmarrja e masave individualisht nga çdo qytetar, mund të ndikojë në përkeqësimin e situatës në spitale, ku largqoftë, mund të arrihet në pikën ku arritën gjatë valës së parë spitalet e disa vendeve shumë më të zhvilluara, që zgjidhnin se kë mund të pranonin e kë jo nga mungesa e shtretërve!
Sipas Lulëzim Bashës, i cili e ka lëshuar krejt frerin e gjuhës dhe vetëm shan, shpif, akuzon e abuzon, në një përpjekje të dëshpëruar për të rikuperuar imazhin e tij që vetëm degradon çdo ditë prej paaftësisë, mendjelehtësisë e përgjumjes kronike, Ogerta Manastirliu, “kjo kriminele e pashpirt”, paska thënë që pacientët do u përzgjidhkan se “kush do kurohet e kush jo!”!
AS E KA THËNË, AS NUK KA DASHUR TË THOTË TJETËR GJË NGA AJO QË KA THËNË DHE THEMI PËRDITË: O NJERËZ MBRONI VETEN DHE TË TJERËT, SE VENDE SHUMË TË FORTA SE NE KANË GJETUR BELANË ME KËTË MORTJE!
Lulëzim Basha, Monika Kryemadhi, Ilir Meta, tanimë krejt njësoj si famëkeqi Sali, nuk pyesin më se çfarë nxjerrin nga goja, mjafton që ajo çfarë thonë të jetë sa më e zezë, sa më e pistë, sa më e ulët për veshët e publikut, sepse ata janë në situatën e të mbyturit që kërkon me çdo kusht të të marrë me vete.
Të njëjtën video e ka shpërndarë edhe vetë ministria, dhe ajo që është më ironikja është që e kanë nënvizuar vetë pikërisht atë çka ajo ka thënë.
Kryeministri në vend që të marrë masa, madje edhe duke e shkarkuar ministrin e merr në mbrojtje.
Kjo është hera e disatë që ministrat e Ramës bëjnë deklarata skandaloze dhe më pas shprehen se ajo ccka ata kanë dashur të thonë është nxjerrë nga konteksti.
https://www.facebook.com/edirama.al/videos/1261125137575777
