Shqipëria do të zhvillojë ndeshjen e parë miqësore sot në mbrëmje, ku do të përballet me Uellsin. Skuadra e drejtuar nga Edoardo Reja synon të konsolidohet para nisjes së kualifikueseve të kampionatit botëror, qe do te startojnë në muajin shtator. Tekniku italian ka kërkuar vlerësim maksimal nga skuadra e tij, pavarësisht se bëhet fjalë vetëm për një miqësore.
Në takimin që do të nisë nga ora 18:00 Reja pritet që të eksperimentojë me formacionin, ku mund të ketë dhe debutues, me Selmani i cili eshte kandidat për t’u vendosur mes shtyllave të portës. Më tej Ismajli, Kumbulla dhe Gjimshiti me shume gjasa do të vendosen në mbrojtje, ndërsa Doka, Abrashi, Çekiçi, Bare, Lenjani do jenë në mbështetje të Balajt dhe Manajt. Ndaj skuadrës së Gareth Bale nuk do të jetë një takim aspak i lehtë, duke marrë parasysh faktin se bëhet fjalë për një përfaqësuese që do jetë pjesë e kampionatit Europian që nis vetëm pas 6 ditësh.
Në të shkuarën, përfaqësuesja shqiptare është ndeshur vete 3 herë më skuadrën nga Britania e Madhe. Në vitin 2018 kuqezinjtë kanë fituar minimalisht në miqësoren e zhvilluar në Elbasan, ndërsa skuadra e Uells ka fituar 2-0 në vitin e largët 1994. Një vit më vonë në Shqipëri skuadrat u ndanë në barazim 1-1.
