Deri tani nuk raportohet për asnjë viktimë, por shqiptarët kanë qenë gjithsesi protagonistë dhe dëshmitarë okularë edhe në tërmetin e fuqishëm që sot goditi dy shtete ballkanike.
Turqia dhe Greqia u tronditën sot nga një tërmet i fuqishëm që ka lënë viktima, shumë të plagosur dhe dëme materiale pa fund. Izmiri, qytet ku jetojnë edhe shumë shqiptarë, është nga më të prekurit në Turqi.
Në një intervistë për “Abcnews.al”, Kozma Çupi, student në Izmir u shpreh se, deri tani numri i viktimave ka shkuar në gjashtë.
Ai rrëfen edhe panikun që përjetoi në momentin që u regjistruan lëkundjet.
“Tërmeti zgjati rreth 30 sekonda. Ishte i fuqishëm, dolëm direkt nga shtëpia. Jemi mirë dhe nuk kemi pësuar asnjë lëndim.
Në lagjen ku jetoj unë në Izmir, nuk pati shumë dëme, por dy lagje të tjera në Bajrakli dhe Bornova.
Deri tani flitet se janë 6 viktima dhe shumë të plagosur. Edhe në ato dy lagje jetojnë shumë shqiptarë, por nuk kemi informacion për të lënduar.
Kemi komunikuar me shqiptarët në ato 2 lagje, por edhe pjesët e tjera të qytetit, por nuk ka shqiptarë të lënduar”,- u shpreh ai.
/Burimi: Abcnews.al/ GazetaReforma.com/
