Një tërmet i fortë përfshiu një orë më parë Turqinë dhe Greqinë.
Sipas mediave greke dhe turke, epiqendra e tërmetit me magnitudë 7.0 Rihter ka qenë në veri të Samosit, një ishull grek pranë Turqisë.
Tërmeti ka shkaktuar dëme të mëdha në disa qytete turke, si dhe në qytetin bregdetar të Seferihisarit në Turqi, si pasojë e tërmetit është provokuar një cunami. Uji i detit ka vërshuar në qytet duke marrë përpara ç’të gjente.
Deri më tani raportohen për viktima dhe dëme të shumta materiale.
Mes ndërtesave që janë shembur në qytetin e Izmirit, janë edhe disa pallate.
Për këtë tragjedi ka reaguar edhe presidenti turk Recep Tayip Erdogan, i cili me anë të një postimi në tëitter ka treguar se të gjithë ekipet e emergjencës dhe kërkim-shpëtimit, janë në terren.
“.. jemi pranë qytetarëve tanë të prekur nga tërmeti. Ne morëm masa për të filluar punën e nevojshme në rajon me të gjitha institucionet dhe ministrat tanë përkatës”, shkruan Edrogan./GazetaReforma.com/
