Vjeshta duket se ka rinisur bashkë me shirat edhe sezonin e tërmeteve në Shqipëri.
Paniku dhe frika janë kthyer kur disa tërmete janë regjistruar gjatë natës në vendin tonë, ku më i madhi ka qenë me magnitudë 4.5 i shkallës rihter.
Sipas IGJEUM-it, rreth orës 01:25:10 pas mesnate, është regjistruar një lëkundje tërmeti me magnitudë 4.5 ballë me thellësi 20 km në Veriperëndim të qytetit të Cërrikut, për të vijuar me të tjera tërmete me shkallë fuqie të ndryshme.
Mësohet se tërmeti më i fortë është regjistruar në Cërrik, me magnitudë 4.5 të shkallës rihter, në orën 01:26, ndërsa përgjatë gjithë natës janë ndjerë lëkundje të vogla në Belsh, Lushnjë, Fier, Tiranë, Elbasan, Durrës etj.
Ndërkohë lëkundjet e tjera ishin të lehta me magnitudë: 3.0; 2.9; 3.1; 2.6 të cilat nuk janë ndjerë por janë kapur nga matësit e tërmeteve.
Po ashtu mëngjesin e sotëm është ndjerë një tjetër lëkundje me magnituidë 3.3 të shkallës rihter në qarkun e Elbasanit.
Nga komunikimi me Sallat e Policisë dhe me shefat e Mbrojtjes Civile në Prefekturën Elbasan nuk raportohen dëme apo probleme të ndryshme.
Tërmetet po ndodhin në një epiqendër të re, ndërsa një vit më parë Shqipëria u godit nga dy tërmete të forta, njeri në 21 shtator me forcë 7.4 me epiqendër Hamallaj dhe tjetri, me forcë më të madhe më 26 nëntor me epiqendër në det përballë Durrësit, që shkaktoi 51 viktima dhe me mijëra banesa të shkatërruara.
/GazetaReforma.com/
