Një tërmet i fuqishëm me magnitudë 6.3 goditi bregun verior të Ekuadorit, duke lënë pas më shumë se 30 persona të plagosur dhe rreth 800 ndërtesa të dëmtuara, kryesisht në qytetin port të Esmeraldas.
Lëkundjet u regjistruan në orën 6:44 të mëngjesit me orën lokale (13:44 në Itali), me epiqendrën në det, rreth 20 kilometra larg kontinentit dhe me një thellësi vetëm 2 kilometra.
Pas tërmetit, kompania shtetërore Petroecuador njoftoi pezullimin e përkohshëm të operacioneve në rafinerinë e Esmeraldas dhe në një tubacion aty pranë, si masë sigurie.
Presidenti i Ekuadorit, Daniel Noboa, ndërhyri menjëherë duke dërguar ekipe qeveritare dhe forca emergjence në zonat e goditura, ndërsa janë marrë masa për ngritjen e strehimoreve dhe shpërndarjen e ndihmave humanitare për të prekurit nga fatkeqësia.
