Policia ka vënë pranga dy persona për transport mallrash të prodhuara në mënyrë të kundraligjshme.
Arrestimi i tyre është bërë në Fushë-Milot, pas kontrollit në mjetin e tyre “Opel”.
Drejtuesi i mjetit ishte B.A., 32 vjeç dhe B.S., 39 vjeç.
Gjithashtu ata tentuan të korruptojnë punonjësit e policisë, duke u ofruar dy kartëmonedha 1000 lekëshe.
Gjatë kontrollit të mjetit të tyre, policia gjeti dhe sekuestroi një sasi të konsiderueshme pijesh alkoolike, të prodhuara në mënyrë të kundraligjshme.
Mbi të arrestuarit rëndojnë veprat penale “Prodhimi dhe shitja e ushqimeve dhe lëndëve të tjera të tjera të rrezikshme për shëndetin”, “Korrupsioni aktiv i personave që ushtrojnë funksione publike”, “Prodhimi i kundërligjshëm i artikujve dhe mallrave industriale e ushqimore” , “Fshehje e të ardhurave” dhe “Manipulimi i tregut”.
