Bllokimi i eskortës së kryeministrit Rama për në takimin e tij në Librazhd ka bërë që kryetari i Partisë Demokratike të këtij qyteti, Bujar Vreto të procedohet penalisht.
Vreto bashkë me 5 persona të tjerë simpatizant të kësaj partie, janë paditur nga Policia, pasi kanë kërkuar të bllokojnë kryeministrin të hyjë në qytet dhe nuk dihet ende se cila mund të jetë masa e marrë ndaj tyre.
Më tej mësohet se personat e tjerë të proceduar janë: Arben Kurti, Roland Abazi, Xhevdet Balliu, Florant Vreto, Arjanit Leka.
Vizita e sotme e kryeministrit Rama ka qenë e programuar për në Librazhd dhe Përrenjas, ku edhe u zhvilluan takimet në kuadër të turit “Bashkia që duam”.
